Në shtëpinë e Juventus ka një plan me kosto të ulët për të siguruar Alvaro Moratan. Pas dy sezonesh në huazim për 10 milionë në vit, bardhezinjtë duhet të paguajnë ende 35 milionë euro në arkat e Atletico Madrid për të blerë përfundimisht sulmuesin, por drejtuesit torinezë duket se janë të gatshëm t'i kërkojnë klubit spanjoll një zbritje të konsiderueshme. Sipas Corriere dello Sport, bardhezinjtë do të ishin të gatshëm të vendosnin një maksimum prej 15 milionë eurosh për të mbyllur çështjen, por nëse Colchoneros do të ndërtonin një mur, Juve do të ishte gati të merrte një rrugë tjetër për Moratan. Në detaje, në fakt, bardhezinjtë do të ishin të gatshëm ta humbnin lojtarin për një vit dhe më pas ta kthenin në Torino me transferim të lirë në vitin 2023.
Situatë që duhet trajtuar me kujdes nga të dyja palët. Edhe për shkak se viti 2023 nuk është larg dhe hipoteza e humbjes së sulmuesit me parametër zero mund ta detyrojë Atleticon të ulë menjëherë pretendimet e tyre dhe të mbyllë operacionin, duke kufizuar dëmin dhe duke fituar para. Rrugë që mund t'i kënaqë të gjithë. Juventusin në radhë të parë, sigurisht, por edhe Atelticon e një lojtar, që e gjen veten shumë mirë në Torino dhe do të donte të qëndronte.
