Flash

Shqipëria po humbet konsumatorë, por shton biznese; 59 ndërmarrje për 1.000 banorë

Shqipëria po shton bizneset, por po humbet banorët që duhet të blejnë produktet dhe shërbimet e tyre. Ndërsa numri i ndërmarrjeve aktive vijon të rritet, popullsia po tkurret, duke krijuar një kontrast mes zgjerimit të sipërmarrjes dhe bazës së konsumatorëve vendas. Sipas INSTAT, në fund të vitit 2025 në Shqipëri numëroheshin 137.892 ndërmarrje ekonomike aktive, […]

20:40

Mes lotësh dhe përqafimesh, Jakup Krasniqi ndahet nga familja pas vizitës katërditore në Kosovë

Lapsi.al 21 November 2026

Mes lotësh dhe përqafimesh, Jakup Krasniqi ndahet nga familja pas

Jakup Krasniqi është larguar këtë të shtunë nga Kosova për t’u rikthyer në Hagë, pas katër ditësh qëndrimi në Prishtinë, ku kishte marrë leje të posaçme për të vizituar bashkëshorten e tij në gjendje të rëndë shëndetësore. Momenti i largimit të ish-kryetarit të Kuvendit të Kosovës dhe ish-zëdhënësit të UÇK-së është shoqëruar me lot dhe përqafime. Djali i tij, deputeti Altin Krasniqi, e priti te dera e banesës për ta përshëndetur i fundit.

Vizita ishte autorizuar nga Dhomat e Specializuara të Kosovës dhe u zhvillua nën masa të rrepta sigurie. Për katër ditë, Krasniqit iu lejua të qëndronte nga disa orë në shtëpinë e tij në lagjen Velania të Prishtinës. Ai u largua me automjetet e EULEX-it, ndërsa në zonë ishin të pranishme edhe forcat e Policisë së Kosovës.

Takimet me familjarët ishin të kufizuara. Vëllai i tij, Daut Krasniqi, deklaroi se nuk ishte lejuar t’i afrohej banesës dhe për këtë arsye nuk kishte mundur ta takonte. Kufizimet u kritikuan edhe nga kreu i Organizatës së Veteranëve të Luftës së UÇK-së, Hysni Gucati. Kjo ishte vizita e dytë e Krasniqit në Kosovë që prej arrestimit në nëntor 2020. Herën e parë, në tetor 2024, ai kishte marrë leje pas ndarjes nga jeta të vëllait të tij, Azem Krasniqi.

Krasniqi mbahet në paraburgim në Hagë prej gjashtë vitesh. Sipas raportimit, ai është dënuar në shkallë të parë me 25 vite burg për krime lufte, në të njëjtin proces me Hashim Thaçin, Kadri Veselin dhe Rexhep Selimin. Mbrojtja e të katërve pritet të apelojë vendimin.

Të këshilluara

Shqipëria po humbet konsumatorë, por shton biznese; 59 ndërmarrje për 1.000 banorë

Shqipëria po shton bizneset, por po humbet banorët që duhet të blejnë produktet dhe shërbimet e tyre. Ndërsa numri i ndërmarrjeve aktive vijon të rritet, popullsia po tkurret, duke krijuar një kontrast mes zgjerimit të sipërmarrjes dhe bazës së konsumatorëve vendas. Sipas INSTAT, në fund të vitit 2025 në Shqipëri numëroheshin 137.892 ndërmarrje ekonomike aktive, […]

20:40

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

11°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI