Flash

Zbulohet arsyeja e papritur e rikthimit të Princit Harry dhe Meghan Markle në Britani

Lapsi.al 20 November 2026

Zbulohet arsyeja e papritur e rikthimit të Princit Harry dhe Meghan Markle

Princi Harry dhe Meghan Markle mund të kenë pasur një arsye tjetër, përtej dëshirës për t’u afruar me familjen dhe për t’u ofruar fëmijëve një përvojë të re shkollore, për t’u larguar nga Kalifornia dhe për t’u rikthyer në Britani.

Sipas një raportimi të Page Six, vendimi i çiftit për t’u zhvendosur në Mbretërinë e Bashkuar në gusht mund të jetë ndikuar edhe nga situata e vizës amerikane të Harry-t, e cila kishte skaduar dhe nuk ishte rinovuar menjëherë.

Burime të cituara nga media bëjnë të ditur se çështja e emigracionit të princit është zgjidhur tashmë, megjithëse nuk janë bërë publike detaje të plota rreth llojit të vizës dhe vonesës në rinovimin e saj.

Megjithatë, kjo nuk ishte e vetmja arsye e largimit nga Shtetet e Bashkuara. Harry dhe Meghan kanë folur edhe për dëshirën që fëmijët e tyre, Archie dhe Lilibet, të rriten me një lidhje më të fortë me vendin e origjinës së të atit dhe të kenë mundësinë të arsimohen në shkolla britanike.

Në një intervistë të fundit, Harry tregoi se fëmijët janë përshtatur mirë me jetën e re dhe se shkollimi në Britani u ka rritur ndjeshëm vetëbesimin.

Ai ka përmendur gjithashtu dëshirën për të qenë më pranë familjarëve dhe miqve të tij.

Familja u largua nga Kalifornia në fund të gushtit, pas gjashtë vitesh qëndrimi në Shtetet e Bashkuara. Megjithatë, zhvendosja nuk nënkupton rikthimin e çiftit në detyrat zyrtare mbretërore.

Sipas raportimeve, Harry dhe Meghan planifikojnë të festojnë Ditën e Falënderimeve në Britani, përpara se të rikthehen në Kaliforni për Krishtlindje.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

14°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI