Kryqëzimi i parë vendimtar për sezonin e Juventusit ka mbërritur. Ndërsa në kampionat ngritja e bardhezinjve, pavarësisht fjalëve të Allegrit, vazhdon në mënyrë të pashtershme me kreun vetëm shtatë pikë larg, në Champions tashmë është koha për jashtë ose brenda. Në Stadium, mbërrin Villarreal i Unai Emery, pas barazimit 1-1 në Spanjë dhe Allegri me këtë rast rikuperon Chiellinin mes titullarëve, me Dybalan në dispozicion në ndeshjes në vazhdim.
Kapiteni i Juventusit nuk ka luajtur që nga 6 shkurti, por është rikuperuar dhe Allegri duhet ta vendosë atë menjëherë përkrah De Ligt duke pasur parasysh rikuperimin e ngadaltë të Bonuccit. Eksperienca, vendosmëria dhe dëshira për të kapërcyer raundin me çdo kusht e bëjnë Chiellinin njeriun e duhur për të mos gabuar takimin me skuadrën spanjolle, më e vështirë se sa duket në letër, në një ndeshje që duhet fituar patjetër për të kaluar në cerekfinale.
I rikuperuar, por jo për të zbritur në fushë që nga minuta e parë, edhe Paulo Dybala. Argjentinasi do të ulet në stol dhe do të thirret në cështje nëse e kërkon ndeshja. Kalimi në çerekfinale është thelbësor nga pikëpamja teknike, por edhe nga ana ekonomike. Hyrja në tetë më të mirët e Europës do të thotë të arkëtosh 10 milionë euro të tjera, pas dy vitesh zhgënjimesh të dhuruara nga Porto dhe Lyon.
