Naomi Osaka është kthyer përsëri në qendër të vëmendjes për shkak të një krizë nervore. Në Indian Wells, vajza japoneze ka shpërthyer përsëri në lot pasi është fyer nga një spektatore në fillim të ndeshjes ("ti ta shpif"), ofendim që ka komprometuar të gjithë lojën e saj. Ish-numri një i botës u mposht në raundin e dytë nga Veronika Kudermetova, numri 21 në renditjen botërore, me rezultatin e qartë 6-0, 6-4.
Për të shtatën herë në karrierën e saj Osaka pëson një “bagel” (6-0). Në fund të ndeshjes, Naomi kujtoi episodet e ngjashme që përfshinin motrat Williams në Indian Wells, me dy lojtaret që nuk u kthyen në turne për disa vite me radhë: “Nuk e di pse, por më mbeti në mendje", ishin fjalët e Osakas në fund të ndeshjes, që me rezultatin 0-3 në setin e parë i kishte kërkuar gjyqtarit që të mund të merrte mikrofonin dhe të fliste me publikun, gjë që u refuzua. “Nëse përsëritet, do të kërkojmë fajtorin dhe do ta përjashtojmë”, ishte përgjigja e arbitrit. "Nuk dëgjova se çfarë i bërtiti spektatorja - komentoi Kudermetova - isha e fokusuar në shërbimin tim. Por më pas pashë që Naomi filloi të qante".
