“Përshëndetje, para së gjithash kam qenë dhe jam i lumtur me ekipin. E dyta nuk dua të flas deri sa të mësoj shqip. Sepse nuk dua që njerëzit të keqkuptojnë fjalët që them”. Këto ishin fjalët e Diego Longos para se të largohej nga intervista e post-ndeshjes me Dinamon. Tekniku i Kukësit ka zgjedhur të bëjë këtë sjellje, pavarësisht se skuadra e tij u kthye të fitonte pas katër ndeshjesh. Një lloj reagimi nervoz në raport me median, të cilën italiani e akuzon se i tjetërson fjalët e tij, e me shumë mundësi kjo lidhet me momentet kur Longo ka menduar të largohet e më pas e ka ndryshuar, ose ia kanë ndryshuar mendjen.
Gjithësesi, pikët në renditje me vendin e tretë dhe jashtë luftë për gjithcka tjetër përvec se një vendi në Europë, nuk janë një garanci që tekniku të ketë kohë për të mësuar gjuhën shqipe, përpara se të dalë sërisht para mediave për të respektuar akordin në të cilin trajneri është i detyruar të dalë e të flasë pas ndeshjeve për transmetuesit zyrtar të kampionatit.
