Flash

Kërcënimet ndaj Veliajt/ Pse u xhindos Rama për ca drejtorë bashkie

Arsyeja përse Rama arriti deri te kërcënimet mafioze ndaj Veliajt për shkarkimin e disa drejtorëve të Bashkisë së Tiranës lidhet me rrezikun që, përmes këtyre largimeve, kryebashkiaku i burgosur t’i çmontojë makinerinë elektorale të PS-së në prag të zgjedhjeve lokale.

01:22

Shqipëria po humbet konsumatorë, por shton biznese; 59 ndërmarrje për 1.000 banorë

Shqipëria po shton bizneset, por po humbet banorët që duhet të blejnë produktet dhe shërbimet e tyre. Ndërsa numri i ndërmarrjeve aktive vijon të rritet, popullsia po tkurret, duke krijuar një kontrast mes zgjerimit të sipërmarrjes dhe bazës së konsumatorëve vendas. Sipas INSTAT, në fund të vitit 2025 në Shqipëri numëroheshin 137.892 ndërmarrje ekonomike aktive, […]

20:40

"Leonardo në gijotinë". Pankarta, fishkëllima e kontestime: tifozët e PSG e kanë me Messi-Neymar

Lapsi.al 13 March 2022
"Leonardo në gijotinë". Pankarta, fishkëllima e

Messi, Neymar dhe Pochettino. Ata janë fajtorët kryesorë të eleminimit të PSG-së nga Champions League për publikun e Parc des Princes, të cilët me rastin e ndeshjes së sotme me Bordeaux i pritën me fishkëllima që në momentin e nxemjes. Gjatë leximit të formacioneve fishkëllimat më të forta u rezervuan sidomos në momentin e shpalljes së emrave të brazilianit dhe të Pleshtit (aq sa deejay rriti volumin e muzikës për të mbuluar zhurmën e një stadiumi të tërë), por jo kur u përmend emri i Mbappé, pavarësisht se lamtumira e tij në verë tani duket e qartë.

Kur nisi ndeshja, sa herë që Neymar apo Messi preknin topin, vinin fishkëllima të forta dhe e njëjta gjë ishte edhe për Pochettinon kur kamerat e inkuadronin dhe fytyra e tij shfaqej në ekranet gjigante të stadiumit. Pas rreth gjysmë ore, Virage Auteuil - bosh deri atëherë - u mbush dhe protesta shpërtheu me të gjithë fuqinë e saj: nga fishkëllimat, te 'olè' tallëse kur Bordeaux kishte topin, për të arritur te disa pankarta elokuente: "Mbappé në Paris, Leonardo në gijotinë", "Shoqëri, dorëhiquni", përpara se kthesa të zbrazej përsëri me tifozët që këndonin:" Paris c'est nous!" ("Ne jemi Parisi").

E njëjta muzikë në pjesën e dytë, aq sa edhe në momentin e golit të Neymar 2-0, publiku as nuk brohorisi dhe më pas vazhdoi të mbulonte brazilianin me fishkëllima.

POCHETTINO: "NË MADRID FAJI I ARBITRIT"

Trajneri i PSG-së, Mauricio Pochettino, e ka komentuar kështu pasditen e përjetuar nga parisienët: "Ajo kundër Bordeaux ishte një ndeshje e vështirë, ashtu si edhe kontestimi, por skuadra reagoi me karakter. Jam i trishtuar për atë që ndodhi sot, si për atë që përjetova unë ashtu dhe për atë që ka përjetuar skuadra. Tifozët janë padyshim të zhgënjyer pas eliminimit nga Champions League. Faji është i yni, ne jemi përgjegjës për të gjitha këto".

SUAREZ: "GJITHNJË ME JU"

Menjëherë pas bilbilit të trefishtë të ndeshjes së Parc des Princes, në profilin e tij në Instagram, Luis Suarez ka dashur t'u kushtojë një mesazh ish-tridhëmbëshit te Barcelona: "Si gjithmonë, futbolli është pa kujtesë. Unë jam gjithmonë me ju, ju dua fort".

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

9°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI