Problemi i hasur nga Zlatan Ibrahimovic në ndeshjen e fundit të Milan kundër Juventus është më pak serioz se ç'dukej. Pasi u largua nga fusha pas rreth gjysmë ore lojë, suedezi u ankua për dhimbje në tendinën e Akilit. Testet të cilave iu nënshtrua sulmuesi përjashtuan dëmtimet, duke konfirmuar inflamacionin, por nga stafi mjekësor filtroi optimizmi për mundësinë e rikuperimit të tij në kuadër të derbit ndaj Interit. Ibrahimovic është duke bërë stërvitje të personalizuar për të mos munguar në përplasjen titull.
Në Milanello ka optimizëm, por duke qenë se ka patur një problem me tendinën pas ndeshjes kundër Lacios në fillim të sezonit, stafi mjekësor po procedon gradualisht me suedezin.
Për momentin Ibrahimovic do të vazhdojë të punojë veçmas në mënyrë që stafi mjekësor të vlerësojë reagimet e fizikut e për të kuptuar se kur duhet të rikthehet në grup, por mundësia për ta parë atë në dispozicion të Piolit - dhe në fushë - në derbin e 5 shkurtit është konkrete.
