Neymar ka bërë debutimin e tij me PSG, pas dëmtimit të gjatë që e ka mbajtur larg fushës nga 28 nëntori kundër Saint Etienne, por më shumë se për emocionet e rikthimit të tij në një ndeshje spektakolare si ajo kundër Real Madrid në Champions, braziliani ka dashur të evidentojë performancën monumentale të Marco Verrattit.
Nëse të gjithë mund të mendonin se Neymar adhuronte ndonjë si Mbappe apo Messi, mund të kenë mbetur të befasuar, sepse në fund të ndeshjes ai e krahasoi mesfushorin italian me lojtarë si Xavi dhe Iniesta: “E dija që Verratti ishte një lojtar i shkëlqyer, por nuk e dija se ai ishte kaq spektakolar. Ai është një gjeni. Ai është një nga mesfushorët më të mirë me të cilët kam luajtur, së bashku me Xavi Hernandez dhe Iniesta."
Në ndeshjen kundër Real Madrid, Verratti regjistroi statistika impresionuese me 92% pasime të sakta dhe mbajti 8% zotërimin e topit gjatë gjithë ndeshjes.
