Chelsea e ka bërë të lumtur Roman Abramovich duke fituar Kupën e Botës për Klube FIFA, por oligarku nuk ka arritur të shijojë gëzimin e një tjetër suksesi, për shkak të humbjeve masive të parave. Në fakt, sipërmarrësi ka humbur rreth 700 milionë euro në një ditë të vetme. Pronari i klubit londinez ka një pjesëmarrje të rëndësishme në kompaninë minerare Evraz, e cila merret kryesisht me çelik dhe qymyr.
Shoqëria është e listuar në Bursën e Londrës dhe çmimi i aksioneve ka rënë ndjeshëm kohët e fundit. Ka nga ata që ia atribuojnë këtë rënie shqetësimeve për tensionet në rritje midis Rusisë dhe Ukrainës. Por shumë sugjerojnë se ndryshimi në çmimin e aksioneve ka ardhur për shkak të ndarjes së biznesit të qymyrit Raspadskaya, të propozuar në dokumentet e datës dhjetor 2021: "Më 26 janar 2021, EVRAZ plc njoftoi se po vlerësonte meritat strategjike dhe strukturat e mundshme për shpërbërjen e mundshme të aktiviteteve të saj metalurgjike të qymyrit të konsoliduara nën PJSC Raspadskaya. Bordi i drejtorëve dhe drejtuesit e EVRAZ kanë kryer një rishikim të plotë të arsyetimit dhe fizibilitetit të ndarjes dhe tani kanë arritur në përfundimin se ndarja e dy bizneseve i shërben interesave afatgjata të aksionerëve, punonjësve, klientëve dhe palëve të tjera të interesuara nga EVRAZ. Shoqëria njofton sot se janë përcaktuar kushtet përfundimtare në lidhje me ndarjen”.
Pavarësisht humbjeve masive, të cilat do të bënin këdo të dridhej, oligarku mbetet ndër pronarët më të pasur në të gjithë Premier Ligën. Në të vërtetë, sipas renditjes së fundit të miliarderëve të Forbes, Abramovich ka parë pasurinë e tij të rritet dhe vlera e saj është e barabartë me 12.9 miliardë £. Aksionet e tij në Evraz janë vetëm një nga disa investime të kryera nga 55-vjeçari.
Biznesmeni rus, i cili gjithashtu ka nënshtetësi izraelite dhe portugeze, thuhet se është gjithashtu në bisedime për të investuar në një ekip të dytë futbolli. Sport Ëitness raporton se Abramovich është pjesë e një grupi të interesuar për të blerë aksionet në klubin brazilian Vasco da Gama.
