Gjykatësi sportiv ka marrë vendimin për ndeshjen Udinese-Salernitana, ndeshje që nuk u luajt dhjetorin e kaluar për shkak të mosprezantimit të skuadrës granata në Udine. Fitorja 3-0 në tavolinë iu dha Udineses, me një pikë dënimi për klubin kampan bazuar në sanksionet e parashikuara në nenin 53. Sipas Gjykatësit, Salernitana nuk zbatoi menjëherë masat e nevojshme për zhvillimin e ndeshjes.
Ndeshja e Dacia Arena më 21 dhjetor nuk u luajt për shkak të numrit të rasteve me Covid pozitiv brenda Salernitanas, për të cilat ASL kishte urdhëruar detyrimin e karantinës. Sipas arsyeve të përshkruara nga Gjykatësi Sportiv në deklaratën e gjatë për shtyp, ndërhyrja e ASL për të bllokuar udhëtimin, ishte kërkuar nga vetë Salernitana - "ndërhyrja e ASL ishte e dëshiruar nëse jo e kërkuar drejtpërdrejt nga klubi kampan" - siç tregojnë disa email.
E thënë më qartë, sipas Gjykatësit Sportiv, Salernitana nuk ka bërë gjithçka që kishte në mundësi, për t'u shfaqur në fushë, pavarësisht kufizimeve të vendosura nga ASL vendase.
