Nis me një zhgënjim të madh viti i ri i Manchester United. Të besuarit e Rangnick humbasin në shtëpi përballë Wolverhampton, të dënuar 1-0 nga goli i Joao Moutinhos në minutën e 82-të. Hap fals i rëndë për Djajtë e Kuq, që ndërpresin serinë e tetë rezultateve pozitive radhazi, të ndaluar nga traversa e Bruno Fernandes në mesin e pjesës së dytë. Në renditjen e Premier League, ata mbeten të gozhduar në vendin e shtatë.
Manchester United pengohet në shtëpi ndaj Wolverhampton dhe prish festimet e fillimvitit. Djajtë e Kuq shemben 1-0 dhe ndërpresin ecurinë e tyre drejt zonës Champions, të ndalur në vendin e shtatë në kuotën e 31 pikëve. Pjesa e parë ishte e komplikuar për djemtë e Rangnick, që vuajtën në ndërtimin e lojës dhe në imponimin e tyre në gjysëmfushën kundërshtare. Më aktivi rezultoi De Gea, i vëmendshëm në kundërsulmin e Podence dhe plastik në goditjen e Ruben Neves nga jashtë dhe në tentativën e Semedos. Raul Jimenez gjithashtu trembi United, por goditja e tij me kokë nuk shënjestroi portën.
Në pjesën e dytë, ritmet u ngritën vetëm pas rreth njëzet minutash, kur vendasit shtuan intensitetin dhe u bënë të rrezikshëm. Bruno Fernandes shfrytëzon krosimin e ulët të Matic, por goditi traversën, ndërsa Ronaldo pa t'i anulohet një gol për pozicion jashtë loje. Wolves rezistuan dhe u rritën në fund të takimit. Paralajmërimi erdhi nga goditja e dënimit e Saïss, që goditi pjesën e lartë të shtyllës (por De Gea ishte në trajektore). E në minutën e 82-të Moutinho kontrolloi një top të kthyer me kokë nga mbrojtja kundërshtare dhe siluroi portën e De Geas për golin e 1-0. Në shtesë të plotë, goditja e dënimit e Bruno Fernandes frikësoi Wolverhampton, por José Sà fluturoi dhe bëri të pamundurën duke shpëtuar rezultatin. Humbja ndërpret kështu serinë e tetë rezultateve pozitive radhazi të Manchester United, katër pikë prapa vendit të katërt. Wolves janë tani në vendin e tetë, tre pikë prapa tyre.
https://www.youtube.com/watch?v=jOsP3UXLbpU
