Ka rënë në prangat e policisë autori i dyshuar për plagosjen e 60-vjeçarit Besnik Çelmeta në Kavajë. Autori i dyshuar është Rizan Aliu, ndërsa ngjarja u regjistrua katër ditë më parë. Aliu është arrestuar mbrëmjen e sotme në qytetin e Durrësit rreth orës 21:00, në zonën e plazhit.
Ngjarja ka ndodhur në një bar kafe në lagjen ku banonin dy personat e përfshirë në këtë ngjarje, ndërsa e gjithë skena e rëndë është filmuar nga kamerat e sigurisë. Mësohet se shkak i kësaj plagosje ka qenë një konflikt banal mes dy familjeve që ishin fqinje në qytetin e Kavajës.
