Revista britanike e çiklizmit, Cycling Weekly, ka raportuar vdekjen e trajnerit të kombëtares ukrainase të çiklizmit Alexander Kulyk, 65 vjeçar, babai i ish-kampionit kombëtar Andriy Kulyk. Sipas raportimeve të gazetës britanike, Kulyk ishte duke marrë pjesë në një operacion ushtarak për evakuimin e disa njerëzve, nga vendet më të rrezikshme në kryeqytet, kur mbeti viktimë e një sulmi rus.
Në momentin e vdekjes së Kulyk, djali i tij po stërvitej. “Ne po përpiqemi të mbledhim informacion nga të gjithë instruktorët tanë, por është e vështirë ta bëjmë këtë”, tha presidenti i Federatës së Çiklizmit të Ukrainës, Andriy Grivko për Cycling Weekly.
