Tre skuadrat e fundit që kualifikohen në 1/8 e Conference League, pas ndeshjeve të kthimit të playoff janë Vitesse, Slavia Prague dhe PAOK. Grekët e patën më vështirë për të siguruar kalimin e turit, duke e cuar te penalltitë ndeshjen me Midtjylland falë fitores 2-1 për tu kualifikuar më pas. Vitesse përmbysi Rapid Vienne duke eleminuar austriakët, ndërsa Slavia fitoi edhe ndeshjen e dytë ndaj Fenerbahce.
Cekët morën të njëjtin rezultat si në ndeshjen e parë përballë Fenerbahce. Turqit, që ishin mundur në shtëpi 2-3, nuk mundën të bënin më shumë edhe në kthim, duke e përfunduar sfidën me rezultatin e përgjithshëm 6-4. Schranz hapi serinë e golave në minutën e 19, ndërsa Sor dyfishoi 8 minuta më pas. Yandas rihapi lojën për pak caste, përpara se Sor të kompletonte dygolëshin personal në minutën e 63. Në gol edhe Berisha në fund të kohës së rregullt por që nuk mjaftoi për të avancuar më tej.
Vitesse ia doli të përmbysë humbjen 2-1 ndaj Rapid me një 2-0 që i nxjerr përpara në 1/8 e Conference League. Grbic dhe Bero e zgjidhën situatën që në pjesën e parë, duke i dhënë hollandezëve të drejtën për të shkuar në raundin tjetër.
Kualifikim i vështirë për PAOK, që përmbysën humbjen e parë kundër Midtjylland. Zivkovic dhe Vieirinha shënuan dy gola në pjesën e parë, duke prekur kalimin për në 1/8, por 10 minuta nga fundi Hoeegh e coi ndeshjen në shtesë e më pas tek penalltitë ku grekët nuk humbën asnjë e vendimtar rezultoi gabimi i Meyer për miqtë, në penalltinë e parë të goditur nga Midtjylland.
