Sipas parashikimeve, por me shumë lodhje, Vllaznia shkon në gjysëmfinale të Kupës së Shqipërisë, pasi mundi në ndeshjen e kthimit 1-0 Flamurtarin. Të fortë në rezultatin 1-2 të ndeshjes së parë shkodranët e Brdaric nuk e kishin menduar asnjëherë se do të vuanin për të siguruar kalimin përballë skuadrës së vetme që vinte nga Kategoria e Dytë.
Edhe pse në transfertë, vlonjatët ishin më kërkues gjatë gjithë ndeshjes, mënyrë loje që ia diktonte edhe rezultati i ndeshjes së parë, të cilën duhet ta përmbysnin. Kapiteni i kuqezinjve, Andi Ribaj ishte rreziku konstant dhe goditi shtyllën, përpara se të falte shkondranët edhe në një tjetër rast, duke frikësuar Brdaric për fatet e lojës.
Pikërisht kjo bëri që, në pjesën e dytë, Vllaznia të ngrinte nivelin e lojës dhe ta zgjidhte në minutën e 70 me anë të Mustedanagiç. Goli i gjashtë për boshnjakun në Kupën e Shqipërisë, por natytrisht ai më i rëndësishmi, duke qenë se coi kuqeblutë në gjysmëfinale të Kuëps së Shqipërisë, në një ndeshje që nisi të bëhej problematike.
