Një fitore e dedikuar për përgatitësin atletik të Kukësit Iris Selimi, që së fundmi humbi vëllanë e tij. Kjo është ajo që deklaroi tekniku Diego Longo në përfundim të fitores me Egnatian: "Këtë fitore të rëndësishme, ia dedikojmë përgatitësit atletik Iris Selimi, që po kalon një moment të vështirë. Në ditët e fundit ka humbur vëllanë, ne i gjendemi afër, janë këto momente që na bëjnë të kuptojmë, sa e rëndësishme është jeta".
Një fitore shumë e rëndësishme, sepse vinte pas një disfate të rëndë me Tiranën në ndeshjen titull, ndaj dhe Longo ka dashur ta evidentojë këtë fakt: "Duhet të reagonim pas humbjes ndaj Tiranës dhe këtë bëmë, treguam se dimë të reagojmë". "Ne do të luftojmë në çdo ndeshje! Duhet të luftojmë me çdo kundërshtar, duhet të japim maksimumin tonë në çdo ndeshje dhe stërvitje, kjo është ajo që duhet të bëjmë në vazhdim”, u shpreh Longo.
