Nesër dita e fundit e sforcimit, por pushimet janë të kufizuara ashtu si shumë gjëra në përditshmërinë e regjimit pandemik. Kampionati u mbyll për 2021, festat kanë mbërritur, por pushimet për lojtarët nuk kanë nisur ende, sepse situata ka ndryshuar. Duke parë rifillimin e kampionatit në 15 janar, është e pamundur që klubet të tolerojnë pushime të gjata, që do të thotë rreziku i mbipeshës së mundshme nga festat dhe minuta të humbura në këmbë.
Kështu, në forcë të gjithë pothuajse do të jenë deri në 29 dhjetor dhe ditët e pushimit do të zgjasin deri në datën 3 janar, ku të gjithë do të kthehen në seancat intensive stërvitore, në garë me kohën për të qenë në formë të plotë për 15 janarin. Një sistem ndryshe për menaxhimin e ngarkesës për trajnerët dhe stafin teknik, që nuk mund të llogarisin më në fazën përgatitore që futej në planin stërvitor të klubeve, duke qenë se pauza e kampionatit ishte më shumë se e gjatë.
Një lloj ideje për mënyrën se si do të punohet është krijuar në fakt nga sezoni i kaluar, ku vonesa në startin e kampionatit bëri që të mos kishte pothuaj fare ndërprerje. Për klubet ndoshta është dicka e mirë, sepse i jep një dorë kursimi me fshirjen e dy javëve, për një pjesë të mirë të tyre, jashtë kufijve të vendit, por për lojtarët është një reduktim i fortë pushimi, me të cilin duhet tashmë të bashkëjetojnë…
