Flash

Zyrtare/ Daja nuk e "ha" vitin e ri te Partizani: klubi njofton fundin e bashkëpunimit

Lapsi.al 28 December 2021
Zyrtare/ Daja nuk e "ha" vitin e ri te Partizani: klubi njofton fundin

Ilir Daja nuk do të jetë më trajneri i Partizanit. Ajo cfarë u kuptua nga mungesa e teknikut në seancën e djeshme stërvitore të të kuqve tani është zyrtare. Klubi dhe Daja kanë vendosur përfundimin e bashkëpunimit dhe për 2022 Partizani do të ketë një emër të ri në pankinë. "FK Partizani njofton përfundimin e bashkëpunimit me trainerin Ilir Daja", shkruhet në komunikatën e klubit, që ka ardhur pas takimit të zhvilluar mes drejtuesve të të kuqve dhe trainerit Daja, ku është diskutuar ecuria dhe performanca e skuadrës. "Në përfundim palët kanë vendosur të ndahen miqësisht dhe të ndërpresin bashkëpunimin mes tyre për pjesën e mbetur të sezonit" sqaron njoftimi i të kuqve.

Për 16 muaj, që nga gushti i 2020, tekniku 55 vjecar ka udhëhequr Partizanin, që në këtë sezon ka fituar vetëm 4 ndeshje, ka barazuar 6 dhe ka humbur 5, duke koleksionuar 18 pikë që vlejnë vendin e pestë. Tani fokusi i Partizanit është të gjejë një zgjidhje që të përmirësojë situatën. Alternativat nuk mungojnë dhe që do të jetë një trajner shqiptar është blinduar nga eksperienca e keqe e të kuqve me trajnerët e huaj. Kështu, Ernest Gjoka, trajneri kampion me Shkëndijën e Tetovës e

Shpëtim Duro, një njohje e vjetër e të kuqve, janë në vijën e parë të preferencave të klubit për ti dhënë një shkundje sezonit zhgënjyes të skuadrës kryeqytetase, që për momentin duket edhe larg zonës Europiane.

NJOFTIMI I KLUBIT

FK Partizani njofton përfundimin e bashkëpunimit me trainerin Ilir Daja. Në përfundim të vitit kalendarik të aktivitetit sportiv, drejtuesit dhe traineri Daja kanë zhvilluar një takim në të cilin është diskutuar ecuria dhe performanca e skuadrës. Në përfundim palët kanë vendosur të ndahen miqësisht dhe të ndërpresin bashkëpunimin mes tyre për pjesën e mbetur të sezonit.

Klubi falënderon trainerin Ilir Daja për kontributin e dhënë dhe punën e përkushtuar që ka bërë gjatë gjithë kësaj periudhe në drejtimin e ekipit të Partizanit, duke i uruar njëkohësisht shumë suksese në të ardhmen.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Kërcënimet ndaj Veliajt/ Pse u xhindos Rama për ca drejtorë bashkie

Arsyeja përse Rama arriti deri te kërcënimet mafioze ndaj Veliajt për shkarkimin e disa drejtorëve të Bashkisë së Tiranës lidhet me rrezikun që, përmes këtyre largimeve, kryebashkiaku i burgosur t’i çmontojë makinerinë elektorale të PS-së në prag të zgjedhjeve lokale.

01:22

Me sytë katër

PAPARAZZI