Samuel Eto'o, gjatë një interviste, foli për ish-shokun e skuadrës Thierry Henry dhe përdori fjalë therëse ndaj tij. Ish-sulmuesi i Barcelonës tha se francezi nuk ishte në nivelin e tij. Pohime që me siguri do të shkaktojnë diskutim. Henry, një rekordmen në paraqitje dhe gola me fanellën e Arsenal, konsiderohet si një nga lojtarët më të mëdhenj në historinë e Premier League. E përvec kësaj edhe si një nga sulmuesit më të mirë ndonjëherë. Për Eto'o, megjithatë, francezi nuk ishte aq i mirë. Të dy kanë luajtur së bashku për Barcelonën. Thierry iu bashkua blaugranave në vitin 2007 pas 8 sezonesh në fanellën e Gunners.
Në atë kohë, kamerunasi ishte një nga kampionët më të mëdhenj të Camp Nou dhe me sa duket nuk i bëri përshtypje francezi. Së bashku ata fituan një tripletë historike në sezonin 2008-09 nën drejtimin e Pep Guardiolës. Më pas Eto'o u largua nga Barcelona për t'u transferuar te Inter dhe pas 13 vitesh u kthye për të folur për ish-shokun e tij të skuadrës.
DEKLARATA KONTROVERSE
Gjatë intervistës, kamerunasi tha se Henry nuk ishte edhe aq i fortë dhe se Nicholas Anelka ishte sigurisht një lojtar më i mirë: "Çfarë mendoj unë për Thierry Henry? Mendoj se nuk ishte në nivelin e Anelka. Ishte i aftë, por unë preferoja lojtarë të tjerë ndaj tij. Në çdo rast nuk ishte në nivelin tim. Fati apo fati i keq që pata ishte të mos luaja për Francën. Ata që luanin për Francën kishin 70% më shumë. Jo sepse ishin të fortë, por sepse Franca i shiste më mirë. Na i shitën dhe i sollën në nivelin tonë”.
Tifozët e Henry nuk reaguan mirë ndaj komenteve të Eto'o dhe në rrjetet sociale e kanë sulmuar kamerunasin: "Dua atë që pi Eto'o", ka bërë shaka një tifoz në Tëitter. Një tjetër shtoi: “Unë e adhuroj Eto'o, por këtu ai është padyshim gabim”.
