
Studioja e televizionit shtetëror të Armenisë u shndërrua në një ring boksi kur dy të ftuar të një emisioni politik shkëmbyen fillimisht fyerje dhe më pas u përleshën gjatë një transmetimi të drejtpërdrejtë.
Incidenti shkaktoi reagime të forta politike. Faqja online armene “Hraparak” ka nxjerrë në pah të kaluarën e dy të përfshirëve dhe bën akuza për lidhjet e tyre politike.
Protagonistët e përleshjes ishin gazetari Boris Murazyan, i cili përfaqësonte opozitën, dhe politologu Harutyun Mkrtchyan, i cili mbështet kryeministrin e vendit, Nikol Pashinyan.
🇦🇲 A political discussion on Armenian television turned into a fight Journalist Boris Muradyan and political scientist Harutyun Mkrtchyan got into a brawl live on Armenia’s state television after exchanging insults. https://t.co/0GoFqrlJHE
— Visegrád 24 (@visegrad24) November 16, 2026
Tensioni shpërtheu gjatë emisionit “Debati i Madh”, i cili iu kushtua agjendës politike të forcave të bashkuara të opozitës. Përballja verbale u përshkallëzua shpejt, me dy burrat që shkëmbyen fjalë të ashpra dhe kërcënime, përpara se të ngriheshin nga vendet e tyre dhe të fillonin të shkëmbenin goditje.
Përplasja çoi në ndërprerjen e transmetimit dhe personelit të sigurisë iu desh të ndërhynte për të larguar dy pjesëmarrësit.
Televizioni Publik Armen publikoi videon e episodit më 16 nëntor, një ditë pas incidentit të 15 nëntorit. Incidenti shkaktoi një reagim nga Komisioni i Televizionit dhe Radios Armene, i cili shprehu shqetësim në lidhje me transmetimin e fyerjeve dhe skenave të dhunës fizike pa montazh. ©LAPSI.al