Aktivistja Greta Thunberg pati një reagim mjaft të papritur kur u informua se protestat e “Të premteve për të ardhmen” për mbrojtjen e mjedisit po vazhdonin në Berlin, një lëvizje që ajo vetë e filloi në vitin 2018 kur ishte 15 vjeç.
Siç shihet në një video nga një dokumentar i titulluar “Tanke drejt Krizës Klimatike: Si kriminalizohet aktivizmi”, në të cilin ajo mori pjesë, Greta Thunberg qeshi me të madhe kur prezantuesi e informoi se protesta të tilla po vazhdojnë ende në kryeqytetin gjerman sot.
"Vërtet?" pyeti Thunberg, dukshëm e habitur, përpara se të shpërthente në të qeshura me të madhe. "Seriozisht? E bëjnë ende këtë?" pyeti aktivistja, ndërsa turma gjithashtu shpërtheu në të qeshura derisa Thunberg, tani 23 vjeç, bërtiti "Ndalo!"
Greta Thunberg laughs at young Germans after finding out that they are still organizing Fridays For Future climate change protests. She thought everyone had moved on to Palestine like she has https://t.co/DciUojrx54
— Visegrád 24 (@visegrad24) November 12, 2026
Krijuesi i dokumentarit, Hubertus Koch, e përshkroi shakanë si diçka që “preku kufirin”, ndërsa vlerësoi Thunberg për aktivizmin e saj në favor të adresimit të ndryshimeve klimatike dhe kundër luftës në Gaza.
Çfarë është lëvizja “Të Premtet për të Ardhmen”?
“Të Premtet për të Ardhmen” është një lëvizje që filloi në gusht të vitit 2018, kur Greta Thunberg, atëherë 15 vjeç, dhe aktivistë të tjerë të rinj filluan të uleshin para parlamentit suedez çdo ditë shkolle për tre javë, duke protestuar kundër mungesës së veprimeve për krizën klimatike.
Këto protesta u postuan në Instagram dhe Twitter nga Greta Thunberg, duke rezultuar në publicitet të madh dhe duke e sjellë atë në ballë të lëvizjes për mbrojtjen e mjedisit. ©LAPSI.al
