Alarmi u dha rreth orës 12:30 të pasdites sipas orës lokale të premten (13.11) në lumin Misisipi në New Orleans, kur një anije cisternë u përplas me anijen lumore “American Heritage” të kompanisë “American Cruise Lines”, e cila mbante rreth 130 persona në bord.
Sipas autoriteteve, anija lumore ishte ankoruar jashtë portit kur u godit nga anija cisternë “Atlantic Asphalt”. Anija ishte ankoruar dy orë më parë për të filluar zbarkimin e pasagjerëve.
Operacionet e shpëtimit janë duke u zhvilluar për pasagjerët në bordin e anijes nga ekipet e emergjencës që kanë nxituar në vendngjarje.
Një dëshmitar okular që ishte pranë vendit të aksidentit përshkroi momentet pas përplasjes dhe përpjekjet frenetike të atyre që ishin në varkën e lumit për të shpëtuar veten.
"Ata bërtisnin, qanin, ulërinin", tha ai, duke përshkruar panikun midis pasagjerëve dhe ekuipazhit teksa anija filloi të fundosej.
Ai tha se dëgjoi edhe impaktin e dytë, kur anija turistike goditi skelën pasi u përplas me cisternën.
"Ishte si një film lufte", tha ai, duke u përpjekur të përcillte intensitetin e zhurmës. "Imagjinoni ton çelik që shtypeshin. Pikërisht kështu tingëllonte", shtoi ai. ©LAPSI.al
