Shtetet e Bashkuara janë në alarm pas një urdhri nga autoritetet për të ndalur avionët në të gjitha aeroportet e vendit.
Sipas informacioneve, në këto momente nuk po operohen më fluturime. Direktiva ka të bëjë me avionët që janë gati të nisen, ndërsa ata që po u afrohen aeroporteve amerikane po kontrollohen rast pas rasti. Problemi thuhet se u shfaq për herë të parë në aeroportin e Çikagos dhe që andej protokolli vendosi një ndalim të plotë të fluturimeve në nisje për arsye sigurie.
Nga ana e tij, Sekretari i Transportit i SHBA-së sqaroi se mosfunksionimi preku të gjitha qendrat e kontrollit të trafikut ajror të SHBA-së, pa u kufizuar në një aeroport apo zonë gjeografike specifike.
BREAKING: FAA issues a nationwide ground stop across the United States for an unknown reason. https://t.co/kzFDoj7YeN
— WBC24 (@WBC24News) November 13, 2026
Siç deklaroi ai, ekipet teknike tashmë po hetojnë problemin, me qëllim identifikimin e shkakut të defektit dhe rivendosjen e funksionimit të qetë të sistemeve.
Informacioni i parë i pakonfirmuar flet për një problem në komunikim. Hera e fundit që një incident i ngjashëm ndodhi ishte në vitin 2023 për shkak të një defekti në sistemin e komunikimit.
There are currently 3,100 airborne aircraft bound for US airports amid nationwide ground stop. No additional aircraft are taking off at this time. https://t.co/GGqfb8QXhP
— Flightradar24 (@flightradar24) November 13, 2026
Aktualisht ka 3,100 aeroplanë në ajër që fluturojnë për në SHBA, asnjë prej të cilëve nuk do të ngrihet deri në një njoftim të mëtejshëm. Në total, deri më tani janë anuluar ose vonuar 7,000 fluturime.
Incidenti ka ndikuar edhe në fluturimet ndërkombëtare. Siç raporton Sky News, një fluturim i planifikuar të nisej në orën 22:30 sipas kohës lokale nga Aeroporti Heathrow i Londrës për në Aeroportin Ndërkombëtar John F. Kennedy (JFK) të Nju Jorkut është anuluar tashmë. ©LAPSI.al
