
Erion Vishkulli është thirrur nga Prokuroria për të dhënë dëshminë e tij më 25 nëntor, pas plagosjes gjatë protestës kundër qeverisë Rama. Vishkulli u godit në sy nga një plumb gome duke pësuar dëmtime që i shkaktuan probleme serioze me shikimin.
Pas ngjarjes, ai u dërgua në Itali për të marrë trajtim të specializuar mjekësor. Atje ai iu nënshtrua dy ndërhyrjeve kirurgjikale, ndërsa pritet t’i nënshtrohet edhe një operacioni tjetër. Thirrja e tij në Prokurori vjen në kuadër të hetimeve për rrethanat e plagosjes së ndodhur gjatë protestës.