Flash

Kryeministri belg ironizon Ramën: Dëgjojeni atë se ai di gjithçka për rusët

Lapsi.al 20 November 2026

Kryeministri belg ironizon Ramën: Dëgjojeni atë se ai di

Kryeministri belg Bart De Wever (N-VA) po fliste për financimin e Ukrainës në takimin e të ashtuquajturit “Koalicioni i të Gatshmëve” në Berlin, kur papritur iu desh të ndërpriste përgjigjen ndaj pyetjeve të gazetarëve. Ai ndjeu dy duar të mëdha mbi kraharor dhe e kuptoi menjëherë se kush ishte. 

“Duhet të jetë ai shqiptari. Ai vjen gjithmonë nga pas,” tha ai.

Në të vërtetë, ishte kryeministri shqiptar Edi Rama, i cili në vendin e tij po përballet me kritika të shumta, ndër të tjera edhe për çështje që lidhen me korrupsionin. Pas De Wever-it, ishte radha e Ramës për të folur. Ndërsa De Wever po largohej nga mikrofoni, ai iu drejtua gazetarëve duke thënë: “Dëgjojeni atë”.Më pas, duke iu drejtuar Ramës, shtoi: “Ti di gjithçka për rusët.”

Nga krahu

Nuk ishte vetëm Rama që u gëzua kur pa De Wever-in. Edhe kryeministrja italiane Giorgia Meloni nuk i rezistoi tundimit për ta kapur pak kryeministrin belg. Këtë herë, ajo e bëri nga krahu, duke e kapur për krahu. Në një fotografi të publikuar nga ministri i Mbrojtjes, Theo Francken, në platformën X, shihet se si të tre pozojnë së bashku të buzëqeshur.

Në rreshtin e fundit

Edhe këtë herë, Edi Rama kishte veshur atletet e tij të bardha si bora, të cilat binin në kontrast me kostumin e tij. Të njëjtat atlete kishte veshur edhe gjatë samitit të NATO-s në korrik. Ato shkaktuan komente me humor gjatë fotografisë zyrtare, nga sekretari i përgjithshëm Mark Rutte dhe presidenti amerikan Donald Trump.

Në Berlin, Rama nuk u vendos më në rreshtin e parë të fotografisë së përbashkët, ndaj atletet e tij ranë më pak në sy mes këpucëve të tjera të zeza e të lustruara. Ai qëndronte në rreshtin e pasmë./STANDAARD

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI