Juve kapet fort pas të rinjve. E këtë herë magjinë e bën Fagioli. Një gol i stilit Del Piero nga mesfushori i ri. I kthyer nga huazimi te Cremonese në verë, Fagioli theu rezistencën e Lecce rreth 20 minuta nga fundi. Duhej të ishte titullar Fagioli, pastaj Massimiliano Allegri ndryshoi mendje. Nuk ka rëndësi, hyrja e tij në pjesën e dytë rezultoi vendimtare, duke i dhënë tre pikë të arta Juventus. Bardhezinjtë janë në ndjekje të zonave të larta të renditjes dhe kanë nevojë për vazhdimësi. Për Lecce, megjithatë, humbja e dytë në shtëpi e sezonit, pas katër barazimeve radhazi në Via del Mare.
Juventus mposhti 1-0 Lecce në "Via del Mare" për javën e 12-të të Serie A, duke marrë fitoren e tretë radhazi në kampionat. Vendosi një ndeshje të komplikuar dhe pa emocione një kryevepër e Fagioli në minutën e 73-të. Mesfushori i servirur nga Iling Junior shpiku një parabolë të paarritshme për Falcone. Bardhezinjtë ngrihen pas eliminimit nga Champions League dhe vazhdojnë ecjen drejt vendeve të larta në renditje.
Tri pikë themelore, jashtëzakonisht të vuajtura, por në përgjithësi të merituara. Një Juve 'e fashuar' në mënyrë të pabesueshme nga mungesat, kthehet nga Lecce me një sukses kyç në ndjekjen e vendit të katërt. Objektivi Champions është tani vetëm dy pikë larg, në pritje të ndeshjeve të së dielës. Në horizont janë dy ndeshje vendimtare si ato kundër Interit, javën e ardhshme dhe Lacios pak para pushimit të Botërorit. Rezultati i marrë në Salento falë veprimit fenomenal të Fagioli mund të përfaqësojë një pikënisje të shkëlqyer për sprintin vendimtar. Për verdhekuqtë, tepër të nënshtruar, një humbje që rrezikon t'i kushtojë shtrenjtë. Me zonën e rënies që rikthehet në mënyrë kërcënuese.
