Copa Libertadores është në duart e Flamengos, që shfrytëzoi epërsinë numerike dhe rrëmbeu finalen të gjithën braziliane me Gabigol. U mposht 1-0 Athletico Paranaense, që pas një fillimi të mirë u tradhtua nga Pedro Henrique. Kartoni i dytë i verdhë i marrë në minutën e 43-të solli edhe kthesën në ndeshje. Mengão-t e shfrytëzuan menjëherë situatën dhe shënuan golin e fitores në shtesë me Gabriel Barbosa, që kishte firmosur edhe suksesin në 2019. Nuk arrijnë të bëjnë goditjen e madhe Fernandinho e Felipão Scolari, të mundur në Guayaquil.
EPISODI QË VENDOSI NDESHJEN
Nuk ia del Athletico Paranaense, që ashtu si ndodhi në 2005 u rrëzua në finale. Copa Libertadores është e Flamengo, që triumfoi 1-0 falë golit të Gabriel Barbosa, vendimtar si tre vjet më parë. Pas një faze fillestare studimi, Furaçao u bënë të rrezikshëm, fillimisht me Vitinho dhe më pas me Alex Santana. Dukej një moment i mirë për Athletico-PR, sepse Flamengo humbi edhe Filipe Luis të dëmtuar. Episodi që ktheu sfidën erdhi në fund të pjesës së parë. Pedro Henrique ndërhyri ashpër ndaj Ayrton Lucas dhe mori të verdhën e dytë. Skuadra e Felipão Scolari mbeti me dhjetë lojtarë dhe pësoi një goditje të dyfishtë. Flamengo kaloi në avantazh në shtesë. Everton Ribeiro shërbeu për Gabriel Barbosa dhe Gabigol nuk tradhtoi, duke vulosur një tjetër finale ndërkontinentale për Mengão.
https://www.youtube.com/watch?v=xK7gWPF1L38
Në rifillimin e lojës, Athletico Paranaense mund të pësonte të dytin. Pedro, golashënuesi më i mirë i turneut me 12 gola, shkoi afër 2-0. Ritmet ishin tashmë të ulëta, rubronegros futën në fushë edhe Vidal dhe kontrolluan ndeshjen. Flamengo ngre lart Copa Libertadores, i treti në historinë e tij pas sukseseve të 1981 dhe 2019. E bën këtë në shenjën e Gabigol dhe Dorival Júnior, trajneri që mori detyrën nga Paulo Sousa dhe tani është në çatinë e Amerikës së Jugut. Asgjë për të bërë për Felipão, i cili po ndiqte Kupën e tretë në karrierën e tij pas sukseseve me Gremio (1995) dhe Palmeiras (1999).
