Është hedhur ditën e sotme shorti për fazën gjysmëfinale të Kupës së Shqipërisë për edicionin 2021-2022, ku kanë kaluar katër ekipe, Partizani, Vllaznia, Teuta, Laçi. Ky short që u hodh në ambientet e stadiumit “Air Albania” e ku të pranishëm ishin përfaqësues të klubeve e medias, përcaktoi edhe çiftet e kësaj
Partizani – Vllaznia dhe Teuta – Laçi do të jenë dy përballjet gjysmëfinale të këtij edicioni, që ka qenë i mbushur me surpriza që prej fillimit të tij. Ekipi kryeqytetas do të zhvillojë takimin e parë në shtëpi, ndërsa sfida e kthimit do të luhet në Shkodër. Ndërsa Laçi do të udhëtojë drejt Durrësit për të zhvilluar ndeshjen e parë, teksa në takimin e kthimit do të presë në shtëpi Teutën.
Ekipi shkodran i Vllaznisë kaloi në këtë fazë pasi mundi në çerekfinale skuadrën e Flamurtarit, ndërsa Partizani mposhti Dinamon. Ndërkaq, Teuta siguroi gjysmëfinalen pasi triumfoi dy herë ndaj Skënderbeut, ndërsa Laçi fitoi ndaj Egnatias.
Ndeshjet e para do të luhen më 30 mars ndërsa ndeshjet e kthimit do të zhvillohen më 13 prill, kur edhe do të përcaktohen finalistët e sezonit.
Gjysmëfinalet e Kupës së Shqipërisë:
Partizani – Vllaznia
Teuta-Laçi
