PSG ka patur nevojë për të zakonshmin Mbappe, për të dalë nga situata, pothuaj me kohën të përfunduar: në ndeshjen e parë të javës së 24 të Ligue 1, parisienët arritën të merrnin më të mirën ndaj Rennes, vetëm në minutën e 94, falë një blici të yllit francez. Pas një ndeshje që kishte parë publikun e Parc des Princes të kontestonte ashpër ekipin, trajnerin dhe klubin, Pochettino gjithsesi arriti të shkëputet në +16 nga Marseille e vendit të dytë.
Por fitorja e PSG kundër Rennes 1-0 mbeti në hije, sepse në golin e Mbappe tifozët parisien në vend që të festonin, nisën protestën. Ultrasët parisien, padyshim të pakënaqur me nga rendimenti i blerjeve të reja Messi, Hakimi dhe Sergio Ramos, bënë grevë për një pjesë loje gjatë ndeshjes në shtëpi kundër Rennes. Akuza e drejtuar shoqërisë është se ka ndërtuar një "ekip mercenarësh të paguar shumë e pa disiplinë", siç mund të lexohet në një pankartë të dukshme të shfaqur në Parc des Princes. Këto protesta vijnë katër ditë para ndeshjes më të rëndësishme të sezonit të PSG, atë kundër Real Madrid në ndeshjen e parë të 1/8 të Champions League.
