Bota e sportit dhe e gazetarisë sportive italiane është në zi për ndarjen nga jeta të Giampiero Galezzit. Ish-komentatori legjendar i RAI ishte 75 vjeç dhe kishte kohë që po luftonte me një formë të rëndë diabeti. Galeazzi, i njohur me pseudonimin miqësor "Bisteccone", i dhënë nga kolegu gazetar Gilberto Evangelisti, lindi në Romë më 18 maj 1946 dhe ishte një profesionist në sportin e kanotazhit, ashtu si babai i tij, duke fituar edhe dy medalje të arta në kampionatin absolut italian në vitin 1967 dhe në vitin 1968.
Fytyra e Domenica Sportiva dhe 90° Minuto, fama e tij, si edhe dashuria e italianëve ndaj tij, lidhet mbi të gjitha me historinë e bëmave të kanotazhit italian, veçanërisht në Lojërat Olimpike, të cilat ai i rrëfeu me entuziazmin e tij të paimitueshëm për 6 edicione radhazi, nga Los Angeles 1984 deri në Athinë 2004.
