Flash

Jennifer Lopez pendohet për dokumentarin me Ben Affleck: “Nuk kisha kontroll mbi të”

Lapsi.al 22 November 2026

Jennifer Lopez pendohet për dokumentarin me Ben Affleck: “Nuk kisha

Këngëtarja dhe aktorja Jennifer Lopez ka folur hapur për zhgënjimin e saj lidhur me dokumentarin që tregonte historinë e dashurisë me ish-bashkëshortin Ben Affleck. Në një intervistë të fundit, ajo pranoi se kishte lejuar persona të tjerë të merrnin kontrollin krijues të projektit, një vendim për të cilin sot shprehet se është penduar.

Bëhet fjalë për dokumentarin The Greatest Love Story Never Told, i publikuar në vitin 2024, i cili shoqëroi albumin e sajThis Is Me... Now dhe filmin muzikor me të njëjtin titull.

Gjatë një interviste në podcastin e “The New York Times”, Lopez shpjegoi se kishte pasur kontroll të plotë mbi muzikën dhe filmin muzikor, por jo mbi dokumentarin.

“Unë kisha kontroll të plotë krijues mbi muzikën, të cilën e realizova fillimisht. Më pas vendosa të bëja edhe një film të vogël muzikor. Për këto projekte kisha kontroll të plotë, por për dokumentarin tjetër nuk isha unë që vendosja”, u shprehajo.

Sipas Jennifer Lopez, lejimi i të tjerëve për të drejtuar dokumentarin bëri që vëmendja të largohej nga projekti muzikor, i cili kishte qenë prioriteti i saj kryesor.

“Lejova dikë tjetër të kishte kontrollin. Duke e parë tani, ndoshta nuk ishte vendimi i duhur për mua, sepse mendoj se dokumentari e la në hije projektin muzikor. Dhe kjo ishte zhgënjyese për mua”, tha këngëtarja.


Edhe pse Jennifer nuk e përmendi drejtpërdrejt emrin e ish-bashkëshortit, dokumentari u realizua nga kompania e tij eproduksionit, Artists Equity, dhe mediat amerikane kanë raportuar se aktori kishte pasur një ndikim të madh në mënyrën se si u ndërtua historia.

Sipas burimeve të cituara nga revista “People” në vitin 2024, Affleck kishte qenë një nga personat që kishte shtyrë përpara realizimin e dokumentarit dhe kishte ndikuar në mënyrën se si do të paraqitej marrëdhënia e tyre para publikut.

Dokumentari u publikua në një periudhë kur çifti po shijonte rikthimin e romancës, por vetëm disa muaj më vonë, në gusht të vitit 2024, Jennifer Lopez paraqiti kërkesën për divorc.


Pavarësisht zhgënjimit të saj, këngëtarja tregoi se së fundmi e kishte rishikuar dokumentarin së bashku me një mikeshë dhe kishte kuptuar më shumë për rrugëtimin e saj personal.

Ajo pranoi se sot ndihet krenare për atë që kishte realizuar, pasi dokumentari pasqyronte një periudhë të rëndësishme tëj etës së saj, të cilën në atë kohë nuk arrinte ta kuptonte plotësisht.

 

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

16°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Kërcënimet ndaj Veliajt/ Pse u xhindos Rama për ca drejtorë bashkie

Arsyeja përse Rama arriti deri te kërcënimet mafioze ndaj Veliajt për shkarkimin e disa drejtorëve të Bashkisë së Tiranës lidhet me rrezikun që, përmes këtyre largimeve, kryebashkiaku i burgosur t’i çmontojë makinerinë elektorale të PS-së në prag të zgjedhjeve lokale.

01:22

Me sytë katër

PAPARAZZI