Situata me Covid në Angli nuk ka asnjë përmirësim, nëse nuk është përkeqësuar, por tani që janë vetëm një ndeshje larg finales në Italisë kanë filluar të ndjejnë rrezikun e një përballje të mundshme me Anglinë në Wembley.
"Mbretëria e Bashkuar është një nga vendet me qarkullimin më të lartë viral, ku ka një përqindje më të lartë të rasteve për shkak të variantit Delta. Unë do të isha orientuar drejt vendeve ku qarkullimi viral është më i kufizuar, edhe pse kapaciteti i parashikuar për gjysmëfinale dhe finalet është rritur shumë”. Ky është opinion i Franco Locatellit, presidenti i Këshillit të Lartë të Shëndetit, që kundërshton insistimin e UEFA-s për ta zhvilluar ndeshjen në Londër, pavarësisht se numrat diktojnë për një rrezik në rritje. "Kombëtarja bëri mirë që u kthye në Coverciano pas cdo ndeshje, duke qenë se në Itali ka një nga qarkullimet më të ulëta të virusit në Evropë," përfundoi ai.
Në fakt, kundër idesë që UEFA ka patur për ti luajtur në Wembley si gjysëmfinalet ashtu edhe finalen e Euro 2020 kanë qenë më parë edhe kryeministri Italian Mario Draghi dhe kancelarja gjermane Angela Merkel, por asnjë nga shqetësimet e ngritura në lidhje me infektimin e lartë me të cilat po përballet Anglia, nuk ka bërë që qeveria që drejton futbollin kontinental të ndryshojë mendje…
