"Tani po bëhet gjithnjë e më e vështirë sepse do të përballemi me një Itali argëtuese, që luan futboll të bukur në sulm dhe në mbrojtje. Është një ekip shumë i vështirë, do të jetë një ndeshje shumë argëtuese dhe intensive, me dy skuadra që mendojnë të luajnë". Kështu është shprehur Luis Enrique, trajneri i Spanjës, për Sky Sport në prag të gjysmëfinales së Euro 2020 kundër të kaltërve.
Luis Enrique ka folur më pas për lidhjen e tij të fortë me Italinë dhe në veçanti me qytetin e Romës, ku ai ka jetuar dhe punuar: "Unë e dua Italinë, më pëlqen Roma, një qytet i pabesueshëm ku pata një përvojë të mrekullueshme, megjithëse për vetëm një vit. Për mua është gjithmonë kënaqësi të luaj kundër Italisë, ne do ta bëjmë përsëri në nëntor në Nations League".
E pashmangshme pastaj të kujtohet episodi i bërrylit të Tassotti në Kupën e Botës USA '94: "Tani është pjesë e historisë sime sportive. Kam pasur fatin të takoj Tassottin, ai është një person shumë i mirë dhe nuk kam hak për të marrë", tha Luis Enrique.
MORENO: “ASNJË FRIKË NGA ITALIA”
"Dy nga ekipet më të mira kombëtare në botë do të garojnë kundër njëri-tjetrit. Të dy ekipet luajnë futboll të mirë, sulmues, spektakolar. Do të jetë sfiduese dhe e vështirë për ne, por edhe për Italinë: detajet mund të bëjnë diferencën. Frikë nga të kaltrit? Jo, megjithatë, ne e respektojmë, sepse ata kanë lojtarë të shkëlqyer dhe shumë përvojë. Por edhe ne meritojmë respekt: ne, si ata, jemi ndër katër ekipet kombëtare më të mira në Evropë. Kështu e ka komentuar Gerard Moreno, sulmues i Villarreal dhe ekipit kombëtar spanjoll, vigjiljen e gjysmëfinales së Euro 2020 mes 'Roja' dhe Italisë, të planifikuar në Wembley.
