Pas diagnozës që zyrtarizoi atë që ishte për fat të keq ishte e qartë pas lotëve të Allianz Arena, në dëmtimin e pësuar në fund të sfidës cerekfinale të fituar 2-1 nga Italia përballë Belgjikës, Leonardo Spinazzola po përgatitet të fluturojë për në Finlandë për operacionin në tendinën e tij të majtë të Akilit. Anësori i Romës do të vizitohet me shumë mundësi sot nga Profesori Sakari Orava i Spitalit NEO, i konsideruar si një nga specialistët më të mirë në botë në fushën e tendinave, aq sa ai përcaktohet si mjeku i mrekullive. Ndërhyrja, megjithëse nuk është konfirmuar ende, mund të ndodhë menjëherë pas konsultimit, më së voni nesër. Për kohën e rikuperimit bëhet fjalë gjithnjë në rendin e gjashtë muajve.
Finlandezi i famshëm ka trajtuar më parë edhe një tjetër lojtar të Romës, Bryan Cristante, kur në vitin 2019 ai pësoi shkëputjen e tendinës në aduktorin e djathtë. Sidoqoftë, në atë rast, mjeku nuk e konsideroi të domosdoshëm operacionin.
