Informacionet vijnë nga Mundo Deportivo dhe kanë hapur oreksin e shumë klubeve të interesuar për Miralem Pjanic: Barcelona, në vështirësi financiare post-pandemike dhe në negociata për kontratën e re të Lionel Messit, ka vendosur të heqë qafe mesfushorin boshnjak pa kërkuar asnjë pagesë për kartonin e lojtarit. Në lidhje me këtë, raporton gazeta katalanase, të martën klubi i ka paraqitur ish-lojtarit të Juventusit (dhe bashkë me të edhe Umtiti) "carta de libertad", domethënë një dokument në të cilin ai liron lojtarin, duke e lejuar atë të shkojnë në një klub tjetër. që në këtë rast nuk duhet të paguajë asgjë për transferimin e Pjaniv, përvec rrogës së tij.
Një operacion që gjithashtu do t’i kushtonte blaugranave edhe një humbje të konsiderueshme financiare duke pasur parasysh që Pjanic arriti vitin e kaluar me një vlerësim prej 60 milion plus 5 bonuse dhe ka një kontratë deri në vitin 2024. Lojtari, i përfolur në javët e fundit për një kthim te Juventus (duke pasur parasysh lidhjen e afërt me Allegrin) dhe Inter, gjithmonë sipas Mundo Deportivo, i ka informuar drejtuesit Blaugrana se është i gatshëm të shikojë përreth dhe të vlerësojë ofertat që do të vijnë, por në të njëjtën kohë dëshiron të përpiqet të bindë Koeman se ai mund të jetë i dobishëm në sistemin e tij të lojës.
