"Bëre mirë që ike": Manchester United merr kritika nga të gjitha anët për shitjen e Smalling

Në Angli zgjedhja e Manchester United për të shitur Smalling ka shkaktuar kritika të mëdha. Red Devils nuk patën kurrë rezerva për ta lënë të largohej, por për shumë specialistë shitja e tij tek Roma ishte një gabim. “Nuk e kuptoj cili ishte problemi ta mbanin – ka thënë ish-sulmuesi Darren Bent -. Difensivisht, është më i mirë se ata që kanë. Sigurisht për ta nisur lojën nga pas nuk është më i mirë që mund të kesh, por Smalling është shumë i zoti si mbrojtës”. Në këtë linjë është edhe ish-portieri Paul Robinson: “Smalling është një qendror i nivelit të lartë, që bëri një sezon shumë të mirë tek Roma. Manchester kërkonte një mbrojtës të këtij niveli, nuk e di përse e lanë të lirë. Mendoj se është kritikuar se nuk është në gjendje të luajë me këmbë si të tjerët, por është një mbrojtës i madh”. Ish-tekniku Harry Redknapp e i biri Jamie kanë shkuar edhe më larg, duke përkufizuar atë që do të ishte dyshja ideale e United: “Duke parë Manchester, mendoj se Smalling e Maguire do të kishin qenë dyshja më e mirë – ka shpjeguar tekniku -. Tani që u largua, prapa janë të zbuluar. Unë do ta kisha mbajtur”. Ky është mendimi i Jamie Redknapp: “Manchester ka nevojë për lojtarët më të mirë në cdo rol. Nuk them se Smalling ishte zgjidhja e problemeve, por duke parë Bailly e Lindelof mendoj se Chris është e sigurtë më i mirë”. Të shumtë edhe komentet e tifozëve në këtë drejtim: “Duhet ta bindnim të qendronte. Fat të mbarë Chris, më mirë të jesh në një vend ku të respektojnë” lexohet nën postimin për lamtumirën e mbrojtësit të bërë nga United. “Hoqëm mbrojtësin tonë më të mirë – thotë një tjetër tifoz i zhgënjyer -. "Bëre mirë që ike, duhet të ishe kapiteni ynë”.

It all began in July 2010, and now 10 years, 323 appearances, 2 titles, and 6 cups later it has come to an end.

Utd is a special place, and we achieved special things together, something I am beyond proud about. An unrivalled culture, where winning is not a want it is a need. pic.twitter.com/YGtT2O8oDq

— Chris Smalling (@ChrisSmalling) October 6, 2020