Një 31-vjeçar nga Tirana ka mbetur i plagosur pas nje konflikti te çastit ne fshatin Fiershegan, te Lushnjes.
Referuar njoftimit paraprak të policisë bëhet e ditur se i plagosur ka mbetur shtetasi Marjus Arapi, i cili është transportuar në spitalin e Lushnjës dhe ndodhet jashtë rrezikut për jetën.
Policia ka shkuar në vendin e ngjarjes dhe është duke vijuar hetimet, ndërsa janë ngritur pika kontrolli për të bërë të mundur identifikimin dhe kapjen e autorëve.
Lushnjë/Informacion paraprak
Në fshatin Fiershegan, Lushnjë, dyshohet se pas një konflikti të çastit, ka mbetur i plagosur me armë zjarri shtetasi M. A., 31 vjeç, banues në Tiranë, i cili aktualisht ndodhet në spitalin e Lushnjes, nën kujdesin e mjekëve, jashtë rrezikut për jetën.
Shërbimet e Policisë me marrjen e njoftimit kanë shkuar menjëherë në vendngjarje, kanë rrethuar zonën si dhe janë ngritur pika kontrolli për të bërë të mundur kapjen e autorëve, të cilët janë larguar nga vendngjarja.
Grupi hetimor ndodhet në vendngjarje dhe nën drejtimin e Prokurorisë vijon puna për sqarimin e rrethanave të ngjarjes, identifikimin dhe kapjen e autorëve.
