Rasti i familjes Cakoni nga Thumana që humbi kryefamiljarin dhe vajzën 18-vjeçare mbetet një nga më tragjikët e tërmetit të 26 nëntorit. Historia e kësaj familjeje është rikthyer në qendër të vëmendjes pas transmetimit të një intervistë në News24 të Manjola Cakonit që po rrit e vetme djalin e vogël Alesion mes vështirësive.
Ajo tha se ishte e zhgënjyer me kryeministrin Rama që e përdori historinë e saj për foto me Ronaldon dhe më pas asgjë. Kjo intervistë pasoi me kërcënimet e kreut të qeverisë në telefon. Pasi çështja u bë publike nga PD, Rama nxori sot disa dokumente që sipas tij qeveria e ka bërë me shtëpi këtë familje. Ka reaguar ish-kryeministri Sali Berisha që thotë se datat e dokumenteve tregojnë se familjes Cakoni i është dhënë shtëpia 4 ditë pasi rasti u denoncua në media.
“Përgënjeshtrim i Edvin Hajdutit! Mashtrim i pafytyre i Edvin Hajdutit dhe narkozyrtareve te tij per kontraten per apartament e familjes Cankoni qe humbi 8 pjestare te familjes nga termeti. Kontrata u nenshkrua me daten 7 shtator, 4 dite pas denoncimit nga mediat te braktisjes dhe mashtrimit te kesaj familje nga Edvini” – shkruan Berisha.
LEXO EDHE: Alesio që takoi Ronaldon, si viktima e dyfishtë e politikës spektakël
