Një aksident i rëndë ndodhi mbrëmjen e kësaj të diele në aksin Tiranë - Elbasan në dalje të tunelit. Policia thotë se një automjet tip Benz ka goditur një makinë tip “Volkswagen” (Smart) ku po udhëtonin 4 vajza.
Për pasojë 2 nga vajzat kanë humbur jetën ndërsa 2 të tjerat janë dërguar në spital gjendje të rëndë. Viktimat janë të moshës 21 dhe 23 vjeçe. Është dashur ndërhyrja e zjarrfikësve për të nxjerrë nga makina vajzat pasi ajo kishte marrë dëme të rënda.
Një nga vajzat e aksidentuara është dërguar për ndihmë më të specializuar në Spitalin e Traumës në Tiranë. Mësohet se në aksident janë përfshirë më pas edhe 3 makina të tjera, por me dëme më të lehta.
Burime në vendin e ngjarjes thanë se shkak është bërë shpejtësia tepër e lartë me të cilën udhëtonin automjetet dhe se dyshohet se drejtuesi i automjetit tip Benz që shkaktoi aksidentin ka qenë në gjendje të dehur. ©LAPSI.al
[video width="640" height="352" mp4="https://cdnimpuls.com/lapsi.al/wp-content/uploads/2020/09/WhatsApp-Video-2020-09-13-at-20.16.46.mp4"][/video]
