Përgjigja e Moskës rezultoi pikërisht siç ishte paralajmëruar nga ministri i Jashtëm, Sergei Lavrov, reciproke. Moska dëboi 60 diplomatë amerikanë, 23 britanikë, 13 ukrainas e me radhë.
‘Russia Today’ publikoi listën e të gjitha vendeve, diplomatët e të cilëve janë dëbuar nga Rusia.
Në listën e publikuar vihet re mungesa e Shqipërisë. Megjithëse në listën e gjigandit mediatik rus nuk figuron një vendim për Shqipërinë, zyrtarisht është komunikuar se dy diplomatë shqiptarë janë të detyrar të largohen nga Rusia.
Kujtojmë se Ministria për Europën dhe Punët e Jashtme shqiptare dëboi dy zyrtarë të ambasadës ruse në Tiranë. Ky vendim i qeverisë shqiptare erdhi në shenjë solidariteti ndaj Mbretërisë së Bashkuar, e cila ishte e para që dëboi 23 diplomatët rusë nga vendi, pasi bëri përgjegjëse Moskën për helmimin me gaz nervor të ish-agjentit rus me shtetësi britanike, Sergei Skripal dhe vajzës së tij.
©LAPSI.AL
Lista e "Russia Today", Diplomatët e dëbuar nga Rusia:
SHBA: 60
Britani e Madhe: 23
Ukrainë: 13
Poloni: 4
Gjermani: 4
Republika Çele: 3
Lituani: 3
Moldavi: 3
Danimarkë: 2
Spanjë: 2
Itali: 2
Holandë: 2
Letoni: 1
Norvegji: 1
Rumani: 1
Finlandë: 1
Kroaci: 1
Suedi: 1
Estoni: 1 atashe ushtarak
Irlandë: 1
