Pas daljes së lajmit se 60 diplomatë rusë do të dëbohen nga Shtetet e Bashkuara, edhe në Tiranë doli lajmi se Rama do të dëbojë disa diplomatë rusë.
Sipas News24 në mbledhjen e grupit parlamentar socialist, Rama ka thënë se do të marrë vendim për të dëbuar disa diplomatë rusë, pas akuzave që i janë bërë Moskës për helmimin e ish agjentit të KGB-së në Angli.
“Qeveria do të vendosë për dëbimin e disa shtetasve rusë. Ky është një veprim i koordinuar me vendet e NATO-s. Do dëbojmë rusët që kanë shkelur interesat kombetare”, mësohet të ketë thënë Rama.
Tereza May vendosi të dëbojë 23 diplomatë, ndërsa Donald Trump dëboi 60. Mbetet për t’u parë sa rusë do të dëbojë Edi Rama.
