Kryeministri grek, Aleksis Tsipras ka informuar homologët e tij në samitin e Bashkimit Europian, mbi negociatat që Greqia po zhvillon me Shqipërinë dhe Maqedoninë. Tsipras sqaroi se këto negociata dypalëshe janë në zhvillim e sipër.
“Pata rastin t’i informoj drejtpërdrejt homologët e mi mbi negociatat që po zhvillojmë në kohë reale, me Shqipërinë, por edhe me Maqedoninë. Qëndrimi ynë është konstant. Hapja e negociatave për anëtarësim me këto dy vende do të jetë e mundur vetëm nëse do të përmbushen gjithë kushtet dhe kriteret e akorduara nga Këshilli i Bashkimit Europian”.
Shefi i qeverisë greke u ndal më gjatë në çështjen e Maqedonisë, nisur dhe nga fakti që ministri i jashtëm grek ishte në Shkup për takime me palën maqedonase dhe shqiptarët e atjeshëm.
