Gjatë vizitës që Olta Xhaçka dhe Ditmir Bushati bënë në fshatrat e përmbytur të Shkodrës u takuan edhe me deputetin e PD, Romeo Gurakuqi. Ministria e Mbrojtjes njoftoi se Gurakuqi vlerësoi ndihmën që ushtria dha për banorët e zonave të përmbytura, por në një intervistë për Oraneës, deputeti tregoi më shumë.
“Ishte hera e parë që i shihja në terren, dmth ne deputetët kemi qenë gjithë kohën në terren. I takuam krejt rastësisht dhe i shprehëm shqetësimin e komuniteteve të përmbytura. Dmth qeveria nuk e ka njohur këtë realitet.Është dashur të paktën prej dy javësh të shpallej gjendja e emergjencës së pjesshme civile për ta njohur realitetin. Por qeveria nuk e ka parë, ata sa erdhën aty qëndruan 10 minuta dhe u kthyen. Nuk hynë as në zonën më të përmbytur të Dajçit, që fillon nga kthesa e Dajçit në rrugën Shkodër-Velipojë, ajo ishte pjësa më e dëmtuar, janë sipërfaqe të tëra” tha Gurakuqi, që përsëriti edhe njëherë kërkesën e opozitës, që qeveria të shpallë gjendjen e emërgjencës për përmbytjet.
