Dita e 21 e revolucionit të flamengove u shenjua nga dy veçori: e para një pjesëmarrje rekord në përmasat e së shtunës që shkoi me një turmë që fillonte nga kryeministria e mbaronte tek sheshi Skënderbej, 50 deri në 70 mijë vetë dhe së dyti me përshkallëzimin e parrullave ku për herë të parë u dëgjuan thirrjet se nëse Rama nuk reflekton do bëhet i mundur edhe revolucioni i dhunshëm. Manifestuesit e nisën marshimin nga qendra e qytetit duke u rreshtuar pas një parrulle: "Edi Rama jep dorëheqjen deri më 21 qershor". Poshtë saj shkruhej: "nëse ata bëjnë të pamundur revolucionin paqësor, do të bëjnë të pashmangshëm revolucionin e dhunshëm". Ky lejtmotiv u përsërit edhe nga disa folës që u ngjitën në tribunë, kryesisht të ardhur nga diaspora.
-
Protestuesit rrethojnë Kryeministrinë: Do ta gdhijmë këtu
20 Qershor, 22:07
"Kjo nuk është më një protestë, por një kryengritje. Edhe pse ne e kemi rregulluar jetën jashtë, nuk duam që fëmijët tanë të detyrohen të kërkojnë gjithçka në një gjuhë të huaj”, deklaroi një emigrant me origjinë nga Mirdita. Duket se protestuesit të inkurajuar edhe nga pjesëmarrja gjigande e shpallën kryeministrinë zyrtarisht të rrethuar dhe komunikuan nga tribuna se në mbremjen mes të shtunës dhe të dielës do qëndrojnë gjithë natën në shesh.
‘Marshimin do ta bëjmë rreth kryeministrisë" shpalli një nga organizatorët Arben Kola ndërsa dikush tjerër shtoi: "Por nuk dimë nga ta nisim se jemi aq shumë sa nuk na nxë".
-
Protestat/ Dea Michelle influencerja që e plaku Ramën për 20 ditë
20 Qershor, 18:07
Kjo rritje e nivellit të pritshmërisë përpos shtimit të numrit prej emigrantëve që marshonin edhe në bulevarsin qëndror para orës 19:00 me makinat e tyre mendohet të jetë bërë edhe si rezultat i mungesës së fleksibilitetit që po tregon kryeministri Rama, i cili i cilësoi sërish protestuesit si turmë, skllevër të algoritmeve etj.
-
Një antihero i dëshpëruar i Homerit
20 Qershor, 16:50
"Sa herë e keni dëgjuar gjatë gjithë këtyre ditëve nga njerëz që kurrë në jetën e tyre as nuk e kanë imagjinuar që të përzihen me politikë e me protesta, por janë bërë parelinj me shalë edhe me kremra që të shfaqen atje bashkë me shalët dhe kremrat e tyre, sepse është trendi. Kanë frikë të mbeten jashtë valës, sepse në ekonominë e vëmendjes heshtja nuk shpërblehet. Shpërblehet vetëm pjesëmarrja. Shpërblehet vetëm ai që ka kurajën të hyjë në garë, shpërblehet ai që bën videon më dramatike" tha Rama në fjalën e tij para grupit parlamentar të PS.
Ndërkohë deputetja nga Veriu, Mariana Koçeku që e braktisi pak ditë më parë këtë grup, i ishte bashkuar sot protestuesve para kryeministrisë.
LAPSI.AL
