Protesta e së shtunës që përshkallëzoi slloganet kundër Edi Ramës u kurorëzua me rrethimin e kryeministrisë nga turma. Një pjesë e mirë e 50 deri në 70 mijë pjesmarrësve kryen një marshim rreth selisë së shefit të qeverisë për të treguar se ai nuk ma rugëdalje. Një pjesë tjetër më e vendosur kaluan gjithë natën aty.
Teksa marshonin rreth godinës së Kryeministrisë, protestuesit përsëritën thirrjet për hetimin e kryeministrit Edi Rama dhe zyrtarëve të lartë të përfshirë në afera korruptive.
Një prej protestueseve, gjatë fjalës së saj, deklaroi se pjesëmarrësit në tubim nuk janë mbledhur vetëm për të shprehur pakënaqësi, por për të kërkuar drejtësi dhe llogaridhënie nga politika. Ajo u shpreh se SPAK duhet të hetojë të gjithë zyrtarët e dyshuar për korrupsion, duke arsyetuar se ish-zyrtarë dhe drejtues të arrestuar apo nën hetim nuk kanë vepruar të vetëm.
“SPAK partnerin më të fortë e ka në këtë shesh. Belinda Balluku nuk ka vjedhur vetëm. Erion Veliaj nuk ka vjedhur vetëm. Të gjithë ata që janë sot në burg nuk kanë vjedhur pa Edi Ramën”, deklaroi protestuesja, ndërsa kërkoi që hetimet të shtrihen deri te nivelet më të larta të qeverisë.
