Brohorimat "Bojkotoni mediat, janë të blera" duket se Sokol Balla, drejtori i informacionit të ABC News i ka marrë shumë afër zemrës. Për të, protesta e sotme nuk ishte një nga ngjarjet më të lehta për t’u raportuar. Nuk pati nevojë të pritej nisja e tubimit, as mbërritja e protestuesve dhe as marshimi në rrugët e Tiranës.
Teksa qytetarët ende po grumbulloheshin në shesh dhe organizatorët po bënin përgatitjet e fundit, ABC News kishte gjetur tashmë këndin ideal për të treguar se protesta ishte e vakët. Fotot u publikuan përpara nisjes së tubimit, në një moment kur shumë prej pjesëmarrësve ende nuk kishin mbërritur.
Ndërkohë, nga pamjet e siguruara një orë më pas me dron nga News24 turma e protestuesve shtrihet nga ‘Rogner’ dhe vijon deri te sheshi ‘Skënderbej’.
