Pak para nisjes së protestës së paralajmëruar për në orën 19:00, qindra qytetarë kanë filluar të grumbullohen në sheshin “Skënderbej”, pika nga ku pritet të nisë marshimi drejt institucioneve qendrore.
Me flamuj kombëtarë dhe pankarta në duar, protestuesit kanë artikuluar thirrje kundër kryeministrit Edi Rama, por edhe kundër klasës së vjetër politike në tërësi. Kjo është dita e 21-të e protestave qytetare, të cilat vijojnë me kërkesën kryesore për dorëheqjen e kryeministrit. Në tubimin e sotëm vihet re edhe pjesëmarrja e shqiptarëve të ardhur nga diaspora, të cilët i janë bashkuar protestës në Tiranë.
