Sydney Sweeney ka vendosur të flasë hapur në lidhje akuzat për ndërhyrje estetike. Gjatë një interviste të re për Allure, ku ishte së bashku me bashkë-yllin e filmit “The Housemaid”, Amanda Seyfried, aktorja 28-vjeçare u pyet të përgënjeshtronte një “thashethem bukurie” rreth saj — dhe përgjigjja ishte e prerë.
“Le t’i hedhim poshtë të gjitha. Nuk kam bërë kurrë asnjë lloj ndërhyrjeje,” tha Sweeney. “I kam shumë frikë gjilpërat, nuk e imagjinoni dot.”
Seyfried tentoi t’i shpjegonte se kirurgjia estetike “bëhet më efektive kur je më e rritur”, por Sweeney i qëndroi fjalës: “Jam shumë e trembur për ta bërë. Dhe ju lutem, mos krahasoni një foto timen kur isha 12 vjeç me një foto 26vjeç me grim profesional dhe ndriçim. Sigurisht që do të dukem ndryshe!”
Aktorja ka mohuar prej kohësh çdo ndërhyrje estetike. Në tetor, për Variety, ajo tha se nuk ka bërë kurrë asgjë dhe se dëshiron të “plaket me hijeshi”.
“Jam tmerrësisht e frikësuar nga gjilpërat. Nuk kam tatuazhe. Asgjë. Dua të plakem natyrshëm,” tha ajo.
Sydney ka deklaruar më herët se idhulli i saj është “versioni i saj më i vjetër”. “Kur isha 10 vjeçe, idhulli im ishte vetja ime 25-vjeçare. Tani shikoj drejt vetes sime 50-vjeçare. Shpresoj të marr vendime që ajo do të ishte krenare për to.”
