
Daniel Damzi është 20-vjeçari i arrestuar nga Policia e Tiranës, pasi dyshohet se ka kanosur me armë zjarri një 31-vjeçar për shkak të një borxhi. Sipas njoftimit të policisë është proceduar penalisht edhe babai i tij, për të njëjtën vepër penale. Gjatë kontrollit në banesën e 20-vjeçarit, policia gjeti dhe sekuestroi një pistoletë me municion, si dhe një sasi lënde të dyshuar narkotike kokainë. Materialet procedurali iu referuan Prokurorisë për veprime të mëtejshme.